Təlimat

ALLOKİN-ALFA preparatının tibbi istifadəsi üzrə təlimat

Qeydiyyat nömrəsi: P N002829/01

Ticari adı: Allokin-alfa

Beynəlxalq patentləşdirilməmiş və ya qruplaşmış adı:
Gistidil-qlisil-valil-seril-qlisil-gistidil-qlisil-qlutaminil-gistidil-qlisil-valil-gistidil-qlisin

Dərman forması: dərialtı yeridilmə məhlulunun hazırlanması üçün liofilizat

1 ampulanın tərkibi: Alloferon [Gistidil-qlisil-valil-seril-qlisil-gistidil-qlisil-qlutaminil-gistidil-qlisil-valil-gistidil-qlisin] 1,0 mq

Təsviri: Liofilizləşdirilmiş toz və ya ağ rəngli məsaməli kütlə. Qiqroskopikdir.

Farmakoterapevtik qrupu: antiviral, immunmodullaşdırıcı vasitə.

ATC kodu: [J05AХ, L03A]

Farmakoloji xüsusiyyətləri
Farmakodinamikası
Alloferon özü özlüyündə oliqopeptiddir. Farmakoloji təsirinə görə daha çox interferon alfa ilə oxşardır. Endogen interferonların sintezinin induktoru və təbii killer hüceyrələri sisteminin aktivatoru olan Alloferon qüsurlu hüceyrələrin sitotoksik limfositlər vasitəsilə tanınması ilə lizisini stimullaşdırmağa qadirdir. Eksperimentlərdə A və B qrupundan olan qrip, B və C hepatitləri, 1 və 2 növ herpes və insan papillomavirusu (onkogen növləri) infeksiyalarına qarşı yüksək effektivliyi nümayiş etdirilib. Alloferon ümumi toksikliyə, allergen xüsusiyyətlərə, mutagen, kanserogen, embriotoksik təsirə malik deyil və reproduktiv funksiyaya təsir etmir.

Farmakokinetikası
Qısa bir zamanda qana nüfuz edərək, immunsəlahiyyətli hüceyrələrlə əlaqəyə girir və ondan sonra Alloferonun metabolitlərinin qan serumunun zülalları ilə struktur oxşarlığına görə qatılığının müəyyənləşdirilməsi çətinləşir. İnterferonun qatılığının artması dərman preparatı yeridildikdən iki saat sonra müşahidə olunmuş və sutkanın sonuna qədər ilkin göstəricilər saxlanılmaqla, 6-8 saat ərzində yüksək səviyyədə qalmışdır (adi fon səviyyəsindən 2-2,5 dəfə artıq). Təbii killer hüceyrələrinin yüksək funksional aktivliyi dərman preparatı yeridildikdən sonra bir həftə ərzində müşahidə edilmişdir.

İstifadəsinə göstərişlər
Onkogen insan papilloması viruslarının törətdiyi xroniki papilloma virusu infeksiyası, xroniki təkrarlanan1 və 2 növ herpes, orta ağırlıq dərəcəli kəskin B hepatitində kompleks müalicənin tərkibində.

Əks göstərişlər
Yüksək həssaslıq, hamiləlik və uşaq əmizdirmə dövrü (müvəqqəti istifadəsi dayandırılır), aşkar autoimmun xəstəliklər. Uşaqlıq dövrü.
 
İstifadə qaydası və dozalar
Preparat dərialtına yeridilir.
İnsan papilloma virusunun törətdiyi infeksiyaların standart müalicə kursu, 1 kursu cəmisi 6 inyeksiyadan ibarət olmaqla, günaşırı 1 mq təşkil edir. Herpes təkrarlanmasının standart müalicə kursu, 1 kursu cəmisi 3 inyeksiyadan ibarət olmaqla, günaşırı 1 mq təşkil edir.
Kəskin B hepatitinin orta-ağır formalarında preparat diaqnoz təsdiqləndikdən sonra 3 həftə ərzində həftədə 3 dəfə olmaq şərtilə, 1 mq dozasında tətbiq olunur (cəmisi 9 inyeksiya). İnyeksiyalar üçün məhlulun hazırlanması üçün həlledici olaraq 1 ml 0,9%-lik natrium xloriddən istifadə edilməlidir.

Əlavə təsirləri
Bəzi hallarda zəiflik, başgicəllənmə, yeni səpgilərin (gerpetik infeksiya zamanı) əmələ gəlməsi mümkündür.

Doza həddinin aşılması
Bugünə qədər preparatın doza həddinin aşılması halları qeydə alınmamışdır.

Digər dərman vasitələri ilə qarşılıqlı təsiri
Xroniki təkrarlanan genital herpesin müalicəsində asiklovir və onun törəmələri ilə birlikdə təyin edilə bilər (preparatlar müxtəlif fəaliyyət mexanizminə malikdir və virus infeksiyasının müalicəsində bir-birini tamamlayırlar). Kəskin B hepatiti zamanı ümumi qəbul edilmiş bazis terapiyası fonunda təyin edilir. Digər dərman vasitələri ilə qarşılıqlı təsiri qeydə alınmayıb.

Xüsusi göstərişlər
Uşaqlıq boynunun və anogenital nahiyənin kliniki və subkliniki zədələri olmadıqda, monoterapiyada Allokin-alfanın onkogenik virus növlərinin səbəb olduğu papilloma virus infeksiyasının müalicəsi üçün istifadə edilməsi tövsiyə olunur.
Kompleks müalicənin tərkibində – uşaqlıq boynunun və anogenital nahiyənin onkogen virus növlərinin səbəb olduğu kliniki və subkliniki formalı zədələrinin papilloma virus infeksiyasına yoluxduğunda.
Xroniki təkrarlanan 1 və 2 növ herpesin müalicəsinə xəstəliyin ilk əlamətləri yarandığı andan başlanmalıdır.
B hepatitində sarılıq başladığı vaxtdan 7 gündən gec olmayaraq.

Nəqliyyat vasitələrini idarəetmə və texnika ilə çalışma qabiliyyətinə təsiri
Başgicəllənmə yarandığında, avtomobil idarə etməmək və texnika ilə çalışmamaq tövsiyə olunur.

Buraxılış forması
Dərialtı yeridilmə məhlulunun hazırlanması üçün liofilizat 1,0 mq.
Dərman vasitəsi 1,0 mq miqdarında rəngsiz şüşədən hazırlanmış ampulaya və 1, 2, 3, 5 və ya 10 ampul sayında yuvalı qablaşdırmaya yerləşdirilir. 1 və ya 2 konturlu-yuvalı qablaşdırma təlimat vərəqəsi ilə birlikdə karton qutuya qablaşdırılır.

Saxlanma şəraiti
2-8°C temperaturunda işıqdan qorunan yerdə saxlamaq lazımdır.

Yararlılıq müddəti
2 il. Yararlılıq müddəti bitdikdən sonra istifadə etmək olmaz.

Aptekdən buraxılma şərti
Resept əsasında buraxılır.

İstehsalçılar:
Rusiya FDUM «YTB DETİ» FTBA,
197110, Rusiya, Sankt-Peterburq, Pudojskaya küçəsi, ev 7

Rusiya Federasiyasının Səhiyyə və Sosial İnkişaf Nazirliyinin FDM «RKEİK» – TBPEİ,
121552, Rusiya, Moskva şəhəri, 3-cü Çerepkovskaya küçəsi, ev 15a

Səlahiyyətli təşkilatların ünvanı və telefonu (istehlakçı iddialarının və reklamların yönləndirilməsi üçün):

Rusiya FDUM «YTB DETİ» FTBA,
197110, Rusiya, Sankt-Peterburq, Pudojskaya küçəsi, ev 7
Telefon: (812) 230-42-03, faks: (812) 230-79-55

Rusiya Federasiyasının Səhiyyə və Sosial İnkişaf Nazirliyinin FDM «RKEİK» – TBPEİ,
121552, Rusiya, Moskva şəhəri, 3-cü Çerepkovskaya küçəsi, ev 15a
Telefon/faks: (499) 149-02-13